លោកជំទាវ កង សៅរ៍ធន នាំយកអំណោយ ចែកជូនប្រជាពលរដ្ឋ និងចុះពិនិត្យស្រះទឹកនៅភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត
នាព្រឹកថ្ងៃទី០៨ ខែកញ្ញា ឆ្នាំ២០២៤ លោកជំទាវ កង សៅរ៍ធន សមាជិកាក្រុមសមាជិកព្រឹទ្ធសភាប្រចាំភូមិភាគទី៥ រួមជាមួយ ឯកឧត្តម វ៉ាន់ ដារ៉ា តំណាងរាស្រ្តមណ្ឌលខេត្តកំពត ព្រមទាំងមានការចូលរួមពី ក្រុមការងារថ្នាក់ខេត្ត ស្រុក អាជ្ញាធរឃុំ ភូមិ និងក្រុមយុវជននារី បាននាំយកទេយ្យទាន បច្ច័យមួយចំនួនប្រគេនព្រះសង្ឃ គង់នៅវត្តមុន្នីសុខារាម និងបាននាំយកអំណោយចែកជូនប្រជាពលរដ្ឋ ដែលមានជីវភាពខ្វះខាតចំនួន៤០គ្រួសារ មកពីភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត ដែលមានសមាសភាពចូលរួមសរុបចំនួន១២០នាក់។ បន្ទាប់មក លោកជំទាវ បានបន្តអញ្ជើញចុះពិនិត្យការស្តារ និងពង្រីកស្រះទឹកដែលមានបណ្តោយប្រវែង១០០ម៉ែត្រ ទទឹង២០ម៉ែត្រ និងជម្រៅ៣ម៉ែត្រ ជូនប្រជាពលរដ្ឋសម្រាប់ទុកប្រើប្រាស់ផងដែរ។
ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
